Ya Rehmatallil Alameenیا رحمت اللعالمین ﷺ -Muzaffar Warsi Naat-Urdu Lyrics

یا رحمت اللعالمین ﷺ یا رحمت اللعالمین ﷺ الہام جامہ ہے ترا
قرآں عمامہ ہے ترا، منبر ترا عرشِ بریں، یا رحمت اللعالمین ﷺ
آئینہ رحمت بدن، سانسیں چراغ علم و فن
قُربِ الٰہی تیرا گھر، الفقر و فخری تیرا دھن
خوشبو تری جوئے کرم، آنکھیں تری بابِ حرم
نورِ ازل تیری جبیں یا رحمت اللعالمین ﷺ
تیری خموشی بھی اذاں، نیندیں بھی تیری رت جگے
تیری حیاتِ پاک کا، ہر لمحہ پیغمبر لگے
خیرالبشر ﷺ رتبہ ترا آوازِ حق خطبہ ترا
آفاق تیرے سامعیں یا رحمت اللعالمین ﷺ
قبضہ تری پرچھائیں کا بینائی پر ادراک پر
پیروں کی جنبش خاک پر، او ر آہٹیں افلاک پر
گردِ سفر تاروں کی ضو مرکب براقِ تیز رو
سائیس جبرئیلِ امیں یا رحمت اللعالمین ﷺ
تو آفتابِ غار بھی، تو پرچمِ یلغار بھی، عجز و وفا بھی پیار بھی، شہزور بھی سالار بھی
تیری زرہ فتح و ظفر، صدق و صفا تیری سپر، تیغ و تبر صبر و یقیں یا رحمت اللعالمیں
پھر گدڑیوں کو لعل دے جاں پتھروں میں ڈال دے
حاوی ہوں مسقبل پہ ہم ماضی سا ہم کو حال دے
دعویٰ ہے تیری چاہ کا اس امتِ گمراہ کا تیرے سوا کوئی نہیں


source